يمكن لانى بعشقك
مش قادره اقول غير بعشقك
كان نفسى يوم ماتسيبنى
تسيبلى كتالوج للحياه
واعيشها ازاى؟؟!!
كل يوم اكتب كلامى
حبة شايله ف اعتذارى
لوم لنفسى او سؤالى
ليه اعاتب ف اللى باعنى
واللى من ضله حرمنى
مالحكايه بينا ماتت
ايه يجينى م الترجى
......
لسا فاكره ف اللى فات
لما كنت ابعت كلام
كل خوفه م اللى جاى
عمر مالخوف يوم بعتنى
لحد عندك
ولا عمره حذر
ان يوم الطعن منك
غصب عنى ورغم غدرك
لسا بحلم بيك ليلاتى
ظلم قلبك يوم لقلبى
كره قلبى لظلم قلبك
كل دا ومش قادره انهى
ذكرى منك
سهل كان ظلمك لقلبى ؟؟!!
صعب يوم القى الجواب
لو بعت ميت جواب
......
كل يوم اكتب كلام
نفس الحماسه ف البدايه
نفس العتاب نفس الملامه
يمكن كلامى يحركك
او يمكن القى جرح تانى
فاكرهك
بس الغريبه
رغم انى عايشه بيك
نبضه نبضه
غربه صعبه جوا روحى
برد مش لاقى الدفا
بس راضيه
رغم كل جراح بتنزف
وانت عارف
كل يوم يخطفنى قلبك
ابقى جوا ذكرى منك
وارجع بقايا بتتكسر
.......
كل يوم
بكتب ف اخر سطرى
حبى ليك
حكم وقدر...
هناك تعليقان (2):
كل يوم
نكهة جديدة لكتاباتك
مختلفة المذاق
مختلفة الاسلوب
التجديد يبرز الموهبة أكثر
و يصقل الاحتراف
اخى العزيز وجه جديد
لا تتخيل مدى سعادتى بمطالعتى لردك الرقيق ولتواجدك الرائع فى مدونتى
ظهور لم اتوقعه واسعدنى للغايه
كل يوم تجربه او محاوله جديده اخالف بها مااعتاد عليه قلمى
ربما لم تكن جيده بما يكفى لكنها خطوه
شكرا لك اخى الكريم
ودام تواجدك
إرسال تعليق