الجمعة، 20 فبراير، 2009

اربع بنات مجانين ..و(التخلص من ادم)...



لم اهتم يوم بالنشر ..

ولم يخطر فى خيالى ان يحدث...

ربما لانى لا اعتبر نفسى من الادباء..واخجل ان يلقبنى احدهم بكاتبه او شاعره ...

لكن دون اى تخطيط مسبق تاتى تجربتى الاولى والمشتركه بينى وبين رفيقه الدرب
ريم

والصديقتين ..دينا يسرى وفاطمه هميسه ...

لتكون اول اعمالنا المنشوره ان شاء الله بمعرض الاسكندريه ...

(التخلص من ادم )
حجم الخط
وتجمع الاربع بنات المجانين فى عشقهم لادم حتى الكره ...

اتمنى ان كتابنا ينال اعجابكم...

وياريت ادم ميستعجلش ولما يفتح الكتاب ويقرا اللى جواه ..

يمكن يع>ر البنات المجانين ..علشان حابين يتخلصو منه ..

الخميس، 5 فبراير، 2009

مهزوم ياضى...


عجز

بينطق عجزك الاكاذيب
تقول قادر تعدى الموت
ومش باقى فى روحك شبر
مش مكسور
حتمشى ازاى ؟؟!
مفرك سد من غير باب
ونبضة قلب مذعوره
تدارى فى ايه باى كلام ؟!
وزيف صوتك ميخدعشى
خلاص كمل
قول اوهام بلا معنى
وهات الشمس لوتقدر
وفجر لبكره مش تعبان
وبالمره بلاش تنسى
ساعات مغسولة م الاحزان !!




الحزن

الحزن احساس المحن
وانكسار الشمس لحظه
ف الغروب
عتمة السكة اللى واخده
ف الخطاوى
والدموع المنهكه
حجات بتحفر فى الوشوش
انات وجع
وسنين تسرسب بعضها
والموت بعييييييييييييد..




مهزوم

السكة دى شبه المتاهه
والتلج والغيم والمطر
زى اجراس الخطر
الخوف قدر
والدهشه على حد النهايه
تسبيح جريح
بعد سخافات المحن
مهزوم ياضى..