الأحد، 17 أغسطس 2008

ازاى تخون ؟؟؟!!


ازاى تخون؟؟
سؤال مجرور بكام كسره
وجزء الحزن فيه غالب
وعين مذهوله مش فاهمه
خداع القلب كان لازم ؟؟!!
وليه بنهون على غيرنا
وليه نزف الجراح منا
كلام عابر
(بحبك)دى اللى كات منك
حروف منقوشه على ورقه
مهيش محسوسه ولا فارقه
تقولهالى وتنساها
وبكره لغيرى حتقولها
ومش فارق
تضيع عمر كام واحده
تدوق روحنا فتسرقها
ورود ياما بتقطعها
وترسم ف العيون احلام
عشان تخدع كمان ورده
تجف ارواحنا على بابك
تقف ظالم لكن مظلوم
تقول الذنب مش ذنبك
مقلتش للقلوب تعشق سراب حلمك
وبسمع ضحكتك سابقه
سواد قلبك
وبسمع صرختى كاسره
حدود وهمك
تقول خاين ملكش ضمير
مفيش نبض لحياة جواك
ورغم اوجاعى للاخر
مانيش عايزه لسؤالى جواب
صحيح ساذجه
مفيش ميت يرد سؤال
.........
رد على رائعه رام

هناك 12 تعليقًا:

blue-wave يقول...

(بحبك)دى اللى كات منك
حروف منقوشه على ورقه
مهيش محسوسه ولا فارقه
تقولهالى وتنساها
وبكره لغيرى حتقولها
ومش فارق
تضيع عمر كام واحده

الللللللللللللللللللللللللله
اللللللللللللللللللللللللللللله بجد
ايه الجمال دا؟
على فكرة
لأنى بكتب
ف مش اى كلام يعجبنى
يعنى لما كلام بيعجبنى
بيبقى حلو بجد
تسلم ايدك

ريم عبد العزيز يقول...

بل تفوقتي علي رائعة رام..إن كانت رائعه.....


هيا رفيقة الدرب...جئت امرر إليكي تاجا ماسيا عبقا...هنا...

http://reem82.blogspot.com/

ShimaaMahdy يقول...

وترسم ف العيون احلام
عشان تخدع كمان ورده
تجف ارواحنا على بابك
تقف ظالم لكن مظلوم
تقول الذنب مش ذنبك
مقلتش للقلوب تعشق سراب حلمك

*********

الله الله الله بجد رائعه

دمتى ودام لنا قلمك

اول زياره وان شاء الله مش هاتكون الاخيرة

ناعومى يقول...

دكتور بلو
بجد اكثر من سعيده انك اول تعليق على النص
والحمد لله ان دا راى كاتب جميل زى حضرتك دا لوحده عطانى ثقه فى حرفى
شكرا لتواجدك الاكثر من جميل ومتابعتك

واتمنى تعذرنى فى التاخير

ناعومى يقول...

ريييييييييييم
حوياتى وصلنى التاج بتاعك ياقمر
نورتينى ولو مكنش نصك لمسنى واثر فيا اوى
مكنتش حعرف اكتب النص دا
انتى الاساس ياقمر
متحرمش منك

ناعومى يقول...

العزيزه شيماء واول زياره لمدونتى اتمنى دوام التواجد
يسعدنى رايك جدا
وتواجدك الجميل
شكرا يا قمر

ســـــــهــــــــــر يقول...

الله
اما باجى هنا بحس بلمسة سحر و تذكرة دخول لعالم الاحساس من قليه

روعه بجد

الفراشة الصغيرة يقول...

يا عينى يا عينى
تسلم ايدك يا قمر
بجد حلوة قوى

eshrakatt يقول...

ازاى تخون؟؟
سؤال مجرور بكام كسره
وجزء الحزن فيه غالب
وعين مذهوله مش فاهمه
خداع القلب كان لازم ؟؟!!
وليه بنهون على غيرنا
وليه نزف الجراح منا
كلام عابر


بجد هايله


احساس عالى وموسيقى

بجد ايه الجمال دا

ايه السهل الممتنع والابداع الجميل

مش كتير بلاقى حجات اقدر اعلق عليها

انتى بجد نعومه وجميله

دمت مبدعه

واسعدنى مرورى هنا جدا

من اجل عينيك يقول...

لا لا لا ده كتير يانعمة
انت يابنتي مصيبة كارثة
ازاي ساكته على نفسك
انا بس عايزة اعرف لو انت ما اشتهرتيش مين يشتهر

روعة روعة بشكل لا يصدق
حرام عليكي كل الحزن ده بجد
هتخسي اكتر

كاتب مصري يقول...

ياااه بجد والله حلوة قوي
بحب أنا الطريقة دي في اخراج ما في النفس
ده فن من الكتابة ميعرفوش غير ناسو
كل ودي
ورمضان كريم

بسنت يقول...

الكلام دايما سهل بس الخاين منه ازاى توصلنا ونفتكرها حقيقه دى سذاجه وبعتبرها غباء كمان
سلمت الايادى يا ناعومى
وكل رمضان وانتى طيبه