الاثنين، 8 سبتمبر 2008

فوضى .....


داخله ف قلب مفارق روحى
واخده شمالها
فارده قلوع البرد وحاطه
رافعه وهابده
راميه ف جوفى
كل مرارها
.....
فوضى ف روحى
كل بيبان الصبر بتقفل
كل سهام الغدر اتشدت
فوضى ف قلب ضمير الممكن
لاء مش ممكن
لما تكون الروح محتاجه
اخر حاجه
ترمى الحلم ف عرض طريقها
ترسم سهم لموت متقدر
مش راح تفرق
كل الجى ف امبارح اتلغبط
شالت ياما لخانه الممكن
بس ماامكن
فوضى ف روحى
فوضى
ف روحى
.
.
.......



هناك 19 تعليقًا:

Dr.A.S. black armor يقول...

اول تعليق ده شرف لى فى الواقع..
وطبعا اى حاجة بتبتدى بكلمة "فى الواقع" بتبقى مكلكعة ههههههههه
نفسى تضحكى وتخرجى من الجو اللى انتى فيه انا مش هاتكلم عن جمال البوست ولا تشبيهاته لاننا اتعودنا منك على الجمال
لكنه دائما جمال متألم ملىء بالشجن والحزن العميق
بجد سلمى امرك لله واطلبى منه العون واحنا فى افضل شهور السنة وبطلى شغل الحساسين ده من اصدقائك
يعنى لو ماطلبتيش وجود الاصدقاء حواليكى وانتى فى ازمة امال هتطلبى مين بعد ربنا طبعا
طبعا ان ماعرفش ايه اللى مضايقك بس صدقينى حاسس بيكى جدا
دمتى بالف خير وابتسامة
رمضان كريم

blue-wave يقول...

اللللللللللللله
لأ بجد ابدعتى
وخصوصا فى
فوضى ف قلب ضمير الممكن
يااااااااااااااااة
عجبنى اوى التعبير دا
تسلم ايدك

ناعومى يقول...

تصدق بالله يادكتور
عيونى دمعت واوشكت على البكاء حلوه اوشكت دى ههههههههههه كلكعه برضه
بجد انا اتبسط اوى بكلامك ..
انا مسلمه امرى
لله الحمد لله الحمد لله الحمد لله
وبالمناسبه انا فى الطبيعه بضحك كتير لو ملقتش حاجه اضحك عليها بضحك على نفسى ..
هو فعلا شغل الحساسين دا اللى متعب ..
بس اعمل ايه بقى
البوست هو مش فظيع ادبيا انا عارفه
بس هو زى ماتقول كده تهيس المساء والبكاء والسهره ...
دكتور بلاك صديق الكلمات العزيز
كل سنه وانت طيب
رمضان كريم
ودعواتك بقى

وجه جديد د.أحمد عثمان يقول...

د/ ناعومي
لو أن تعليق بصرة يليق
فاسمحي لي به

و لكنها فوضى تحمل رؤية مختلفة بالطبع
و مذاق مختلف

هكذا دائما
اميرة للعامية

تحياتي

fOsDö2ä يقول...

فوضى فـ روحي
بتزيد فـ جروحي
رايحه و واخده
معاها الجاي
جايه و جايبه
الألم الحي

فوضى فـ روحي
بتزيد فـ جروحي
كل أماني الحلم أتهدت
كل كلام الحب أتكدب
حتى الروح مـ بقيتش تبوح
للي خلقها بـ أحسن روح

فوضى فـ روحي
خايفه تزيد
و معاها جروحي
إمتى اليوم الصافي يعود
يلمم شملي
ينهي جروحي
*****************
ناعومى ...
كلمات جميلة جداً زي مـ اتعودنا منك ...
ماشاء الله يعني مش بحسد ... D:
فرحانه قوي انك كتبتي ...
و نفسي أفرح أكتر لما ألاقيكي كاتبه فرايحي ...
ربنا يفك كربك يا جميل و يزيح عنك الهم ... (f)
أعذريني بقى ع الشخبطه اللي فوق دي ...
بقالي كتير مفيش حاجه بـ تيجي معايا ... !!

ريم عبد العزيز يقول...

انا مش قولت فيها جزء عاوز يتظبط......


انتي مابتسمعيش الكلام ليه...؟؟



بس ده مايمنعش يعني انها تحفه....وغالبا حأرجع برد كده كده يفحمك......؟؟

ناعومى يقول...

الصديق العزيز بلو
فوضى فى قلب ضمير الممكن
عجبنى انا كمان
ساعات بكتب حجات واقف قدامها شويه
واسال نفسى انا كتبتها ازاى
ههههههههههه
بجد بجد بجد انا سعيده بااصدقاء المدونه
وحضرتك واحد فيهم
ويارب دايما الجميع طيب بخير
احترامى وتقديرى

كل سنه وحضرتك طيب

ناعومى يقول...

دكتور وجه جديد
الاخ العزيز
لما شوفت الفوضى الفصحى بتاعتك بجد تنحت
لجمالها
بس استغربت برضه انا فعلا مشوفتش البوسن ولا حتى اسمه الا بعد مانزلت فوضى
يظهر ان الاحساس بالفوضى غلب علينا كلنا
متابعتك يادكتور احمد بتسعدنى وتشجيعك بعتز جدا بيه

انت كنت غايب فين بقى
كل سنه وانت والاسره كلا طيبين بخير

ســـــــهــــــــــر يقول...

كام مره..
احساسك كان غالب و تغالب
و تغلب هذيان القلب التعبان
م الخوف و ظروف ...
و تطوف..
على كل العاقل و المنطق
تقنعهم بالشاطح حد الهذيان
و الـ مش ممكن ...انه المألوف
؟؟؟؟؟؟؟؟؟



ناعومى
مقصره ف حق نفسى عشان قصرت ف المرور هنا


لكى تحياتى و اعجباى الشديد بحرفك المتميز و حسك الرائع

جابر المصري يقول...

عارفة اللي بيدور جواه وبيقلب علي حاجة عايزها
وفي الأخر يكتشف ان كل حاجة مكركبة ومش في مكانها
انا حسيت بكدة فعلا
قراءة اولى فطريتك في السرد جائت بدون فزلكة شعراء يعني احساس خام
وغالبا الأحساس ده بيكون تاثيرة علي القاريء والكاتب احساس مؤثر

د/ ناعومي

احساس عالي برغم زفرة اللم والتأوه

لكي تقديري

ناعومى يقول...

فسدقتى
بنوتى القمرايا
ربنا يكرمك يارب اكتبى انتى عندى ونورنيى كتير وملكيش دعوه
رقيق واحساسه جميل جدا اللى كتبتيه ياقمر
ادعى لى بقى افرح وابطل نكد كده
بس بيتهيالى الواحد اما يفرح مش حيلاقى حاجه يكتبها
انا باجى على اللون الاسود بس تقريبا
ههههههههههههههه
وحشتينى ياقمره
متحرمش منك ابداااااااااا

ناعومى يقول...

اقولك ياست هانم ريم مبسمعش الكلام ليهمن الحجات اللى بحبها فى المدونه غير انها صوتى وحته منى
انى بكتب بدون قيود ولا خوف ان حد يقول ان العمل دا غير ا دبى او ناقص النمو
فوضى
هى فعلا تهيس لحظات من الحزن والبكاء والحيره والكركبه
هى كده باحساسها
بكعبلتها مش مهم تبقى جميله ادبيا
حظبطها بقى ان عرفت بعدين
لكن هنا هى زى ماحسيتها
روح العبى بقى وتعالى نورينى تانى ياقمره
متحرمش منك

ناعومى يقول...

سهر
المبدعه الفنانه بحق
ايه الجمال دا
كام مره..
احساسك كان غالب و تغالب
و تغلب هذيان القلب التعبان
م الخوف و ظروف ...
و تطوف..
على كل العاقل و المنطق
تقنعهم بالشاطح حد الهذيان
و الـ مش ممكن ...انه المألوف
؟؟؟؟؟؟؟؟؟

بجد عجبتنى اوى تركيبه اللغبطه اللى هنا
بجد اسلوبك رائع انا شيفاها اجمل بكتير من اللى كتبته
يارب دايما منورانى متحرمش من طلتك وتشجيعك ياقمره

ناعومى يقول...

استاذى العزيز جدا جدا جدا
جابر المصرى
لا تتخيل مدى سعادتى لما شوفت اسم حضرتك منور المدونه
شرف ليا والله تواجدك
والاجمل واج مل احساس حضر تك بالنص اللى شرح احساسى بالظبط
انا مبسوطه جدا بررايك
واتمنى دوام التواجد
على فكره كرايكيب حضرتك فى المدونه تحفه تحفه تحفه
ماشاء الله يعنى

Abu Shahin يقول...

الله بجد

رائعة فعلا

وكتير بتنتابنا حالة الفوضى اللى ف روحنا
بس مابنعرفش نعبر عنها زيك كده

تحياتى
=======
الغى الكلمة التاكيدية من التعليقات

1 الاعدادات
2 التعليقات
3 الكلمة التاكيدية .. اختارى لا

شكرا

ناعومى يقول...

الاخ العزيز ابو شاهين
اهلا بيك اولا فى المدونه سعيده جدا بتواجدك وقراءتك لحا له الفوضى
شكرا جزيلا
وغيرت التاكيد زى ماقلت لى
كان نفسى اغيره من زمان بس الكسل بقى
كل سنه وحضرتك طيب

ShimaaMahdy يقول...

اقولك الصراحه انا تهت فى الكلام

مش عارفه اروح فين واجى منين من البارح وانا كل شويه ادخل واشوفه فى اوقات مختلفه عشان افهم ...بعيد عنك اختك الذكاء شغال عندها اليومين دول جامد جدااااا )):

بس اللى فهمته انها حاله فوضى فى كل حاجه حتى الكلام ..اممممم مش عارفه فهمت صح ولا غلط

بس انا حاولت افهم و دا انجاز على فكره D:

بس هو انا كل لما ادخل الاقى حزن ):

عايزة المره الجايه فرح لو سمحتى بقى (:

تحياتى

(:

آية مش هنا يقول...

و أي فوضى يا ناعومي ..

أسأليني أنا عن هذه الفوضى الللي كتبتيها .. زي ما هي..
أسأليني عن رامية في جوفي كل مراراها ..
عن سهام الغدر و بيبان الصبر اللي اتقفلت ....

اوقات كتير كنت بفكر ان دي مرحلة و هتعدي
او حالة و هتخلص
ابتديت اصدق ان لا

احنا مستسلمين ليها و مستسيغين ألمها .. بجهل ..حقيقي

الله يخلصنا منها الفوضى دي عن قريب ..
يارب

دمت مبدعة بكلمات بسيطة التركيب قريبة المعنى :)

تحياتي :)

غير معرف يقول...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html