الجمعة، 14 نوفمبر 2008

وليه وحدك؟؟؟!!



وليه وحدك؟؟
وليه تسافر ف دنيا الخوف
وليه تبكى؟؟
وليه الجاى من جواك بينزف نار
وليه الاسوار؟؟
يافرع التوت وضلتنا
واحلى ماصار ف دنيتنا
يكون انت
حكاوى العمر لو تحكى عن امبارح
تغنى لك بصوت فرحان
تدفى صوتك المكسور من الاهه
وتزرع لك جناين طرحها فرحك
وليه وحدك؟؟
تفارق قلب اوطانك
وليه تعشق سراب وجنون
وليه ماتكون ؟؟
ياعاشق نن عين حزنك
بنبض الشوق
بيبان الجاى مفتوحه
ومن صبرك طريق مفروش
فشد رحال زمام املك
وسافر ويا احلامك
حتلقى صباح ف اخر الشوف
مدد م الخوف
مدد م المستحيل
يمكن
تعيش جوانا طاقة نور
فمتخافشى
ولا تهزك سنين ضلمه
اكيد بعد العجاف بشرى
وليه وحدك؟؟
هنا ارضك
هنا ارضك
....

هناك 18 تعليقًا:

fOsDö2ä يقول...

الله ... !!










ينفع أقول كده .. و أمشي ... ؟؟!!

youssif يقول...

الله فعلا ...
جميلة جدا يا نعومي بسم الله ما شاء الله
المعني رائع ياريت يحس به الكل
انا اهدي هذه الخاطرة إليك :)

mo5tar يقول...

جميل جداً


اول زيارة وبجد مش عارف اقول ايه

ليا عودة ان شاء الله

ضد التيار يقول...

الله عليكى يا ناعومى

بجد عجبتنى (:

Teawater يقول...

وليه متخلنيش اشاركك
وليه مبقاش جنبك
وليه متحسنيش وليه متفدفنيش
وليه متقوليش وانا جنبك ياريت اعيش
***************************
طلعوا مني احساسك واصلني
كلماتك جميله جدا
رقيقه جدا وحساسه بجد

تقبلي مروري

وجه جديد د.أحمد عثمان يقول...

اقتبس من فسدق
الله
و من يوسف
ألله فعلا
و من مختار
جميل جدا
و من ضد التيار
الله عليكي
و من teawater
احساسك و اصلني
----

ما انتي روعة اهو في التفاؤل
خليكي كده على طووووووووول

اعتذر عن التأخير الاجباري

حبارير يقول...

أقول كل اللي قبلي

وأزود

تسلم ايدك

ســـــــهــــــــــر يقول...

ياعاشق نن عين حزنك
بنبض الشوق
بيبان الجاى مفتوحه
ومن صبرك طريق مفروش
فشد رحال زمام املك
وسافر ويا احلامك
حتلقى صباح ف اخر الشوف
مدد م الخوف
مدد م المستحيل
يمكن

******************

مدد من نبض احساسك
مدد من ضى ..جاى حروف
يسيب الخوف على بابك
يعديلك ..
بلهفه و شوف


__________

ناعومى
يا صاحبة الحرف اللى لامس روحى
بحب حروفك جدا

ناعومى يقول...

فسدقتى الجميله
الله عليكى انتى
دودو علشان خاطرى حولى من البرج بتاعك بقى
انتى مش شبه البرج دا خالص
كل سنهوانتى طيبه ياقلبى

ناعومى يقول...

يوسف بيه
الجميل اللى انا مقصره جدا معاه
كل سنهو انت طيب الحمد لله انها عجبتك

ناعومى يقول...

مختار
يارب متكونش اول واخر ونشوفك تانى وتالت وكتير
كل سنهو حضرتك طيب

ناعومى يقول...

ضد التيار
انتى اللى عسل وبتشجعينى
متحرمش منك ياقمر

ناعومى يقول...

تىىىىىىىى وتر واهل الفيوم الحلوين
الجميل هو وجودك ياقمره
الحمد لله انها عجبتك

ناعومى يقول...

دكتور وجه جديد الاخ العزيز جدا
والله بنتظر ردك علشان احس انى كتبت حاجه حلوه
ربنا يكرمك وانا مسامحه فى التاخير بس تيجى فى الاخر
دمت بخير
كل سنهو حضرتك طيب
ااه شوفتنى وانا متفائله

ناعومى يقول...

حبارير
انا اقولك انى مبسوطه بجد انى كسبت قلم متميز زى حضرتك معانا

ناعومى يقول...

فيروزتى الجميله
سهر
بحب اقرا لك وبحب ردودك عليا
وبحب اتابع كل حرف بتكتبيه كانه خارج منى
بجد انتى رائعه
وتفاعلك الجميل روعه روعه ورعه
دمت بود صديقه البوح والكلمات

غير معرف يقول...

هنا رائع ..ومختلف
مليون تحية وتقدير
عبدالمجيد عتلم

مها العباسى يقول...

مش قادرة اقولك قد ايه جميله كل حرف فيها احساس ومشاعر وصوت ملهوف بينادى