الخميس، 5 فبراير 2009

مهزوم ياضى...


عجز

بينطق عجزك الاكاذيب
تقول قادر تعدى الموت
ومش باقى فى روحك شبر
مش مكسور
حتمشى ازاى ؟؟!
مفرك سد من غير باب
ونبضة قلب مذعوره
تدارى فى ايه باى كلام ؟!
وزيف صوتك ميخدعشى
خلاص كمل
قول اوهام بلا معنى
وهات الشمس لوتقدر
وفجر لبكره مش تعبان
وبالمره بلاش تنسى
ساعات مغسولة م الاحزان !!




الحزن

الحزن احساس المحن
وانكسار الشمس لحظه
ف الغروب
عتمة السكة اللى واخده
ف الخطاوى
والدموع المنهكه
حجات بتحفر فى الوشوش
انات وجع
وسنين تسرسب بعضها
والموت بعييييييييييييد..




مهزوم

السكة دى شبه المتاهه
والتلج والغيم والمطر
زى اجراس الخطر
الخوف قدر
والدهشه على حد النهايه
تسبيح جريح
بعد سخافات المحن
مهزوم ياضى..

هناك 4 تعليقات:

وجه جديد د.أحمد عثمان يقول...

و من رحم الألم
يولد الألم
و من فيض الانهزام
تتوالى قرعات المحن



ناعومي
اكسري دائرتك

تحياتي و تقديري

youssif يقول...

عودة حميدة يا ناعومي
وحشتنا تدويناتك و خواطرك
و ارجع اقولك احنا شفنا ايه لسة عشان نيأس من دلوقتي
لسة
لأن انتي قلتي
الحياة طويلة
و الموت بعيد
لازم اليأس و الحزن يصبحوا حالة نمر بيها و نخرج منها
عشان ما نكونش اموات وسط حياة بتمشي و بتسوق معاها ناس كثير
لازم نفضل صاحيين قدام لعبها بينا
اتمنالك كل خير و متغيبيش علينا تاني

الفراشة الصغيرة يقول...

جميله قوى يا دكتوره

بس حزينه

حاولى متستلميش للاحزان
صدقنى بايدينا نطلع من احزانا

غير معرف يقول...

الغريبه انك انسانه مرحة ولاتفارق الابتسامة شفتيك

اعجبتني التدوينه جدا

انتي عارفه اني معجبه كبيرة بقلمك

ممكن تضيفي ايميلي عندك على الياهو نفس ايميل المسنجر(سندريلا12)