الاثنين، 28 أبريل 2008

كفاية كلام .........


قالو لى كتير

بلاش احلام

بلاش تسقى اللى جاى فيكى

دموع الوهم

خلاص فاتك

تضمى الحزن فى كفوفك

تبات الدمعه غلباكى

وتنسى اليوم وبكره معاه

وعايشه الصوره ف امبارح

لكنه سراب

مهوش راجع تضمه عنياكى

ولا ثانيه ..

.......

فايت لى الذكرى ليه طيب؟؟

ماتاخد كل شىء وياك

ساعات الخوف من الايام

وخد وياك كمان الفرح

معدش فى قلبى اى مكان

لخوف او جرح

انا مجروحه للاخر

ساعات النزف لو طالت

نهاية الرحله.. مقتوله

.....
عذاب الروح مابين نده الحياه ليها

وبين الموت على الابواب

عذاب الوهم بملامحك

ندا المكلوم لاى امان

حجات ياما

وحزن مايوصفهوشى كلام

انا مجروحه للاخر

كفايه كلام

..........


هناك 5 تعليقات:

فريد عبد العزيز يقول...

الاديبة الرقيقة

والصديقة الجميلة

نعمة

استمرى فى الاحلام

واستمرى فى الكلام

حتى تنقشع الغمة .... ونحن معك ... بالجوار

كونى كما انتى ... بنعم الله التى لاتعد ولا تحصى

من اجل عينيك يقول...

الرقيقة ناعومي

كالعادة أنت .. غير تقليدية

وكالعادة أنت .. أسطورة سأحكيها لكل من أعرفهم

لا تتغيري ناعومي

HANY YASSIN يقول...

كلمات جميلة تعبر عن احساس صادق برئ

بلاش أحلام

معنى فى منتهى الواقعية للأسف حتى الاشياء الجميلة بعد وقت يزول جمالها ويتم اعتبارها حلم كان موجودأ و ذهب بلا رجعة

نتشرف بزيارتكم مدونتى
http://hanyyassinblog.blogspot.com/
دمتم بكل ود
تحياتى

حبيبـــــــة القمـــــر يقول...

اشكي لمين واحكي لمين
دنيا بتلعب بينا
توهنا سنين ولاعارفين بكره جايب ايه لينا
بينا للفرحه بينا قبل الجراح ماتدق بابنا

بينا دي الدنيا لينا بكرة الزمان يسرق شبابنا
ليه هنضيع عمرنا ليه
ايه راح ناخد من دا ايه


قريت كلامك وملقتش رد
لقيت غنوة انغام(اشكي لمين)
قعدت اسمعها كتير واكررها
وحاولت اصدق كلامها واعيشه ولو بالكدب


احلمي يانعمه
يعني حتى الحلم هيبقى ممنوع
وهم بقى ولا خيال مش مهم
الحلم هو اللي بيدي الواحد امل في بكرة احسن
احلمي حتى لو الحلم كان كدبه
هيجي يوم واكيد هتتصدق

وجـــه جـــديد يقول...

نعمـــة

اعتذر عن التأخير
المهم
اني هنا متابعا
مؤازرا
فلا تتوقفي
بل كما يقول فريد
استمري في الكلام

تحية لك