الأربعاء، 23 يوليو 2008

الاسرار السته .. الواجب ..تمرير من دكتور وجه جديد والمبدع فريد عبد العزيز...

الحقيقة الكلام هربان ..
بس لانها دعوه من الاخوه الاعزاء جدا جدا وجه جديد (د/احمد ) والاخ الجميل العزيز جدا فريد ...
فانا ححاول الاقى الكلام ...


نبدا ...
س : أذكر 6 أسرار قد لا يكتشفها من يقابلك أول مرة
..قوانين الواجب:
1. أذكر اسم من طلب منك حل هذا الواجب
2. أذكر القوانين المتعلقة بهذا الواجب
3. تحدث عن ستة أسرار قد لا يكتشفها من يقابلك للمرة الأولى.
.4. حول هذا الواجب إلى ستة مدونين، وأذكر أسماءهم مع روابط مدوناتهم في موضوعك.
5. اترك تعليق في مدونة من حولت الواجب عليهم، ليعلموا عن هذا الواجب

اللى طلب منى طبعا د.وجه جديد واخى المبدع الجميل فريد عبد العزيز ...
اول سر
انا مجرد طفلة
رغم ان شكلى شايل هم الدنيا ..بس فيه جوايا طفله عايزه تضحك من قلبها
وعايزه تفضل ناسيه السنين وعددها وحساباتها ...
وفيا من الاطفال عدم قدرتهم على استيعاب الخطر لما يقرب منهم ..

مجنونه احيانا
اللى بيشوفنى لاول مره بيعتقد انى هاديه
بس انا مش بالهدوء اللى بيبان
خصوصا لو مع حد مرتاحه لوجودى معاه

عنيده
اللى بيشوفنى بيعتقد انى طيبه ومسالمه
او مستسلمه
بس انا من مش مسالمه اوى
وبعرف اقول لاء وقت اللزوم


كسلانه
بس لما بتحرك بكون نشيطه جدا
شىء من التناقض اكتشفت انه من مميزات برج الحوت
اللى هو برجى يعنى

فيه سر خطير بقى واخير ومهم جدا
يمكن ابان مش واثقه من نفسى شويه او كارهه نعمه شويه
لانى بلومها كتير
بس انا بحب نعمه اوى
وبحترمها اوى اوى
حد عنده اعتراااض ؟؟؟؟

تمرير الواجب لست مدونين
ا
خى الاديب الجميل د/محمد الدسوقى
الصديقه الجميلة:من اجل عينيك
الصديقه الجميله جدا الطيبه جدا ريم عبد العزيز
بنوتى الجميله فسدقه
حبيبه قلبى الطفله سها
استاذى العزيز جدا محمد حموده
الجميله جدا جدا نورانه


حروح احط تعليق عند الكل طبعا
فريد عبد العزيز
وجه جديد
شكرا ليكم اوى
احترامى وتقديرى ليكم بلا حدود


هناك 6 تعليقات:

حبيبـــــــة القمـــــر يقول...

غاليتي نعمة

ست الحزن والجمال

لما البخل سيدتي

طلبنا ستة اسرار

فأجبتي بخمسه فقط

بس لأنك اعترفتي بالكسل

فمش هحاسبك على الكروته دي

ولأنك طفلة

شفافه ،

تلقائية ،

طيبة جدا

الى حد السذاجة احيانا

ولأنك طفلة

فأنتي عنيده

ولأننا نعشق الاطفال

فلديكي ثقة لا حدود لها

وهذا طبيعي جدا

لأنك ببساطه تحتلي القلب من اول وهله

ولهذا كله وغيره الكثير فأنا احبك جداا

واتمنى لكي دوام التوفيق والسعاده وراحة البال

كل الحب غاليتي

blue-wave يقول...

حلو التاج
واجاباتك تحفه
تحياتى

fOsDö2ä يقول...

ناع ناع ...
إجابات عسل ...
و حاسه إن أغلبها مش أسرار ...
و لاهي المفروض اسرار ... ؟؟!!
عسل يا ناعومى ربنا يحميكي...
و يخليلك براءة قلبك و طيبتك دي ..

آه صحيح ...
شووووكراً ع التدبيسه ... D:

وجه جديد د.أحمد عثمان يقول...

ايه ده يا ناعومي
ده سلق واجب


دا انا كده هنجحك بدرجات الرأفة

ناعومى يقول...

حبيبه قلبى حبيبه
بجد بجد افتكرتهم سته
عدتهم بعد مانشرت لقيتهم خمسه
يظهر انى كسلانه شويه
بجد انا مش عارفه اتكلم كتير عن نفسى
انا فى حاله اوراقى انا كلها داخله فى بعض
ومش قادره ارتب حاجه
بس حرتب لا تقلقى وحنزل السر السادس لوحده

نورتينى يااحلى حبيبه فى الدنيا
ومتحرمش منك
وعارف ه انى تعبتك معايا فى اختيار الاستايل بتاع المدونه معلش
متحرمش من ذوقك ياق مر

ناعومى يقول...

الاخ العزيز دكتور بلو ويف
سعيده والله بتواجدك ومتابعتك وانا كمان متابعه عندك
بس انا شغلى واخد معظم وقتى والله وباجى بالعافيه
نورتنى ويارب دايما
متشكره جدا