بيتهيالك قلبه برىء
طيبه روحه حاجه تغيظ
هش وبش ف وشك ياما
ضحكه ف وشك ماهو علامه
فعله ف غدره وقسوه روحه
قادر يرسم وش ووش
وش بيضحك ..تانى يفش
من ورا ضهرك طعنه تهزك
تذهل انه بصدقك غشك
حاجه غريبه وشوش خداعه
بايعه ضميرها بابخس سعر
بريقها يشد...
لكنه يهد...
يخرب اى ايدين تتمد
مش طبعها تعمل يوم خير
ولا بتراعى ف اى جميل
احذر منها وخليك صاحى
زيفها مايخدع قلب يحس
هناك 11 تعليقًا:
ناعومي الجميلة ....رائعة كعادتك .....أنجانا الله من اصحاب الوشوش المتعددة (ما عدا الموبايلات الحديثة ).....
دمت يا رب بخير حال
زيفها مايخدع قلب يحس
تسلم ايدك على النص ايتها الزهرة الرقيقة
أميرة الأحزان كما يحلو لي ان القبك
ودعي الاحزان يا جميلتي واكتبي فرايحي
زي كده ( النهاردة فرحي ياجدعان
عايزة كله يبقى تمام )
غريب بجد إن نظرتك في الحياة قاتمة قوي كده
الأشكال دي موجوده فعلاً
لكن تجسديها بيدها تواجد أكبر من حجمها
أجمل مافي الشعر رتمة السريع
بجد طريف وجميل قوي
تسلم ايدك يا دكتورة
م/عمرو الحسيني
حلو اوى البوست
تسلم الأيادى بجد
حبيبه قلبى نورانه
النص دا تحديداانتى السبب الاساسى فيه
لو تفتكرى دا كان رد على نص جميل ليكى
وفعلا اصحاب الوشوش الكتير ياما اوى
فطوم روح قلبى
اسكوتى مش انا فى حاله رفض للاحزان فعلا
بس مش عارفه اكتب فرايحى
شكلى مبجيش غير على الوجع
عمرو انت عمرو عمرو اللى عملت لى التصميم بتاع التبرع بالدم ومعرفتش اوصل له بعدها بسبب اللى حصل
انا سعيده بتواجدك الجميل ورايك
النص دا كان رد على الاخت نورانه
وهو رتمه سريع فعلا
الناس متعددى الوشوش فعلا ميستح قوش يخدو اكتر من حجمهم فى حياتنا
منورنى دايما يابشمهندس
blue-wave
الجميل هو متابعتك ورايك يادكتره
بجد نورتنى
فعلاً أنا عمرو
أنا معرفش موضوع التصميم وصل لفين
بس لو فيه لسه امل
أنا تحت امرك
علي كل أنا مقدرش إلا ابدي إعجابي بالكتابات الموجوده هنا في المدونة
ربنا يوفقك ويكرمك يا دكتورة ناعومي
م/عمرو الحسيني
مادمت ع مرو عمرو بقى
يبقى اتمنى تنورنا فى منتدى جديد بس فيه ناس كتير حلوه جدا وبندور عليك من بدرى ومش عارفين نوصل لك
اتمنى تسجل معانا فالمنتدى
اهو منتظره تواجدك الجميل
وعلى فكره فكره الملثمين عجبتنى اوى اوى ربنا يبارك فيكم
http://www.qratees.com/vb/index.php
الله يخليكي يا دكتورة
بالرغم من إن الفكرة وليده
ولسه فيها تحضير كتير
بس انا شاكر تعليق حضرتك
وزيارتك للمدونة المتواضعه
أنا سجلت في المنتدي
وربنا يسهل وأكون عند حسن ظنكم
لكن موضوع بتدوروا عليا ده
.......
خير
أنا متواجد معاكوا
وتحت أمركم في اي خدمة ممكن انفذها
إرسال تعليق