الخميس، 19 مارس 2009

مشاعر ثلجية...



تختنق لحظاتى ..فتشعرنى ان القادم اضيق من صنع المعجزات ..تشغلنى بعض الاسئلة ..تتارجح الاجابات ..تاره
اعتقد ان موت الايام ماكان الا نتاج صراع طويل مع امراضى المزمنه ..وتاره اعتقد ان الايام اتت فى حاله وهن شديد فلم تقوى على تحملى ..فكان الفقد حتميا...
لا اشعر شىء..لا احب ..لا اكره..لا تجول الاحلام بخاطرى ....الواح من الثلوج تجمد بقايا مشاعرى..
استيقظ صباحا ..اذهب الى عملى ..ابتسم اتحدث ..اقابل كائنات تشبهنى كثيرا..نتبادل احاديث فارغه تمر من اذنى لتسقط عند حاجز القلب فلا تصله ابدا ...

اضحك
ابكى
امارس الحياه
ولا اشعر الا بثقلها الجاثم على نفسى..


وبتعجب
لايه بكره؟؟؟
لمين بكره؟؟؟
وفين فرحه مادام وحدك
واذا بتشرق ف يوم شمسه
تموت جواك...


يراودنى من حين لاخر احساس البروده فيبدو لى ان بعض الدفء قد يصنع فارقا
وددت كثيرا ان اطعم ايامى بعض الحلوى لعلها تكافئنى ببعض الفرح
لكنى لم املك يوما ثمنا يكفى شراء الحلوى ..
فاارتضيت بمر قهوتى..ومرار ايامى..
.. .. ...

هناك 20 تعليقًا:

blue-wave يقول...

عادت كلماتك توقظ داخلى شئ ما لست ادرى كنهه
لأظل ابحث عنه حتى بوستك القادم

الفراشة الصغيرة يقول...

بس برضه

مهما كانت الايام مريرة

اكيد بتعدى عليكى ولو لحظات فيها فرح

ولا ايه

كله مر مر كده

kochia يقول...

خواطر دي ؟
جامدة جدا وحستها اوي اوي
جت لك منين الفكرة والنظم المتميز ده

بعض الدفء سوف يحدث كل الفارق يقينا
وحاولي دائما للحصول علي تلك الحلوي .. فقد تاتي وحدها يوماحين ياذن الله

تحياتي

youssif يقول...

إزيك يا نعمة ...
انا مش حتكلم بقا عن روعة كلماتك و او جمال تشبيهاتك انتي عارفة بقا اني اخر واحد يتكلم عن الحاجات دي بس برضه التدوينة روعة

و أعتذر كمان لو كان بإيدي الحل إللي ممكن يملي عليكي حياتك و يذيب الثلج إللي بتحسي بيه ...

انتي لوحدك تقدري لأني حسيت بإللي انتي بتحسي بيه ده قبل كدة و ساعات كثير بيزورني تاني ...

انتي املي حياتك و متخليش الروتين يقتل الأحساس جواكي مش لازم تحبي الحاجة عشان تعمليها اعمل اي حاجة و بعد كده حبيها املي حياتك فعل و جنون و حركة عيشي اللحظة و أنسي اي لحظة قبليها ...

انتي لوحدك يا نعومي تقدري تكسري لوح الثلج و تعيشي في فرحة ...

ســـــــهــــــــــر يقول...

لا ارغب اليوم فى اجهاد النفس بابتسامة مجامله او حوار يتسلق شاهق النفس .. من خارج الروح ... باب القلب مغلق ... للاجهاد .
********
كلمات كتبتها منذ فتره و اجدها اليوم بعد ما قرأتك تنتابنى ثانية

ناعمى
ايتها المتسلقه بخفه لبوابات الروح .. البوح يفتح مصرعيه لحسك الراقى
امنيات و دعوات بان يذوب الثلج

امل دندراوي يقول...

لا اشعر شىء..لا احب ..لا اكره..لا تجول الاحلام بخاطرى ....الواح من الثلوج تجمد بقايا مشاعرى


ما قوة هذه الكلمات تبدو الكلمات شئ في يدك تأخذي منها متي استدعتك الحاجة تأخذي منها ما شئيتي .

اهنئك علي هذا الانتقاء

الي الامام دائما .

Dr.A.S. black armor يقول...

عارفة الزومبى؟؟؟ (الموتى الاحياء)
اصبحنا فى الحياة كما الموتى الاحياء... تسلم ايدك ..حتى طعم المرار بقى صعب لاننا فقدنا الاحساس بالاشياء حلوها ومرها
والله لقد لمستى قلبى بكلماتك وايقظتينى على حقيقة حالنا
دمتى بالف خير مبدعة

من اجل عينيك يقول...

ابتعد كثيرا
ابتعد جدا
واندمج مع عالم اخر لا يمت بصلة لأي عالم آخر
ارقص واضحك
اتجول في الشوارع واضحك
يجتمع الاخرون حولي والمرح
لكني اعرف في الاخر انني لست في مكاني الحقيقي
ليس هذا عالمي ولا واقعي الاصلي
لأني عندما اعود الى احزانك
اصرخ بداخلي : ان ناعومي تكتبني
ناعومي تفهمني
تكتب ما اشعره

هنا هو عالمي
حزنك مكاني وواقعي
فكل افراح الارض لا اريدها
انا احبك واحب احزانك

Dr.A.S. black armor يقول...

انتى فين يا دكتورة
بقالك كتير غايبة يارب تكونى بخير

حبارير يقول...

كالعادة

نزف قلم ونبض قلب

دمت بخير

ناعومى يقول...

الصديق بلو ويف
تاخير غير مقصود
لظروف خارجه عن ارادتى

اتمنى تواجدك دايما

ناعومى يقول...

الجميله الفراشه

الايام اكيد فيها وفيها

شويه فوق وشويه تحت

بس بتعدى فى الاخر

ناعومى يقول...

كوشيا حتى لما حاولت
الاقى حلوى
طلعت حلوى مره اوى ومالحه اوى
ومتنفعش خالص
هههههههههههههههه
قليل البخت ياستى

شكرا لوجودك وتعليقك وبعتذر عن التاخير الغير متعمد

ناعومى يقول...

يوسف

ابنى الطويل

ازيك ياجميل وحشتنى والله
نفسى اشوفك بقالك كتير مختفى
ايوه قولىو انا كمان مختفيه
ههههههههههههههه
بحب اسع رايك فى اى حاجه بكتبها
وان كنت تقريبا بطلت اكتر

ناعومى يقول...

سهر
رفيقه الروح والشجن والالم
بحبك بجد رغم انى معرفكيش شخصيا
بس بحبك فى الله وبفرح بوودك بجد اوى
فيكى شىء يشد اوى يمكن تلاقى ارواحنا
اللى بتحس اوى

نورتينى ياسهر

ناعومى يقول...

امل
قريبتى الصعيديه الطموحه الجميله المتفائله
ياربى تفضلى جميله ومتفائله علطول
نورتينى برايك ياقمره

ناعومى يقول...

دكتور احمد
ليك وحشه فى التدوينات والله
معلش مقصره جدا
بس وظيفتى كزومبى فى الحياه
مخليانى مش لاقيه فرصه لاى حاجه والله

الحمد لله

شكرا الف شكر على سؤالك

ناعومى يقول...

من اجل عينيك
فاطمه
نصفى الثانى
وحشتينى الى ابعد حد
عايزه اقعد افضفض معاكى كتيييييييييييير
عن حجات كتير
عارفه انك حتحسينى
الارض واحده
رغم اختلاف التفاصيل
وحشتينى اوى يافطوم
على فكره
معدتش فكره اروح عندك موجود بزوال السبب
حتفهمينى طبعا هههههههههههه
متحرمش منك يارب

ناعومى يقول...

دكتور
سؤالك متتخيلش اسعدنى اد ايه
حسسنى ان فيه ناس فكرانى بجد
ربنا يكرمك

ناعومى يقول...

اخى العزيز حبارير
صديق الكلمه
ربنا يكرمك نورتنى بوجودك الجميل