السبت، 19 يوليو 2008

نيو لوك.....



ف النيو لوك

انا عامله لقلبى

جراب حاوى

وبقول للخلق الطمعانه

ف هداوه قلبى

انه ..مخااوى

مش سهل تطوله

ولا حتقدر

وان شوفت براءته

متتغرش

اتعلم م الغدر حكاوى

.......

ف النيو لوك

ومشاهد الضحك

مش موجود للحزن قضيه

بس غريبه

ر غم الفرح

لسا الحزن ماثر فيا
.........

هناك 10 تعليقات:

Ahmed Othman يقول...

خطير النيولوك اللي كاتباه ده يا ناعومي
بس لو تطبقيه بقى
ما يبقاش كلام و بس
انا كنت هأقولك كفاية بقى اللون الاسود ده على المدونة
عايزين حاجات فرايحي
لزوم النيولوك

blue-wave يقول...

حلو النيو لوك
ويمكن الحزن لسا مأثر فيكى علشان النيو لوك دا كان من برة بس
مش من جوة
تحياتى

r يقول...

جميل النيولوك بس الغريب ان دايما الحقيقه اللى مخبينها جوانا مهما عملنا وحاولنا تغيره بردوا لازم يظهر اللى جوانا سواء حزن او فرح
اسلوبك جميل اوى
زياره اولى لمدونتك الجميله

فريد عبد العزيز يقول...

جميل النيو لوك يا نعمة
انا متعود منك دايما كل ماهو جميل ورائع
بصى بقى
انا دبستك ف واجب كدا عايزك تحليه
ادخلى عندى المدونة خدى الاسئلة يا قمر
ومتكسليش فى الاجابة بقى :)
رجاء
ياريت تشيلى تاكيد الكلمة يا نعمة لان بيجيب حروف كتير داخلة ف بعضها وانا نظرى على قد القد
دى رابع محاولة لحد الوقت علشان انشر الكومينت $:

ناعومى يقول...

اخى العزيز دكتور احمد
الحمد لله بطبقه
ومش ندمانه لانى كنت بامن للناس ا وى زمان
يمكن كنت ساذجه شويه ومفترضه الصدق اوى فى كل اللى حواليا
بس اتعلمت الحرض واجب وواجب اجبارى كمان
النيو لوك بتاعى انا مبسوطه جدا بيه
بس ادعى لى افضل مبسوطه كده

ناعومى يقول...

دكتور بلو وي ف
احيانا لازم ندارى على الجمال اللى عندنا علشان محدش يستغله ويشوهه
لازم يبقى فيه نيو لوك يحمينى
واكيد الحزن لسا سايب بصمته
بس حتروح بمرور الوقت
علشان لسا الحياه حتمرر علينا حجات كتير

نورانة يقول...

النيو لوك الجميل قوي ده محتاج النيو لوك للمدونة ربنا يكرمك يا نعنع بلاش الأسود ده تاني

ناعومى يقول...

بسنت الغاليه كنت سعيده بزياره مدونتك النهارده
واتمنى متكونش متكنش الاخيره
بانتظارك دوما
احترامى وتق ديرى

ناعومى يقول...

والله يافريد حاولت اشيل اللى بتقول عليه
بس معرفتش معلش بقى
منورنى ياكبير
متحرمش من ذوقك يافندم

ناعومى يقول...

هههههههههههههههههههههههههه
معلش يانونو ياحبيبه قلبى
شيلت الاسود ورجعته تانى بس حاطه لك فيه حتتين روز كده يخففو شويه
وحشتينى ياقمر متحرمش منك