الخميس، 28 أغسطس 2008

خواطر ملهاش لون ...



صديق قلت له الحمله فى الشغل النهارده كانت حمله سواد ...قالى ايه الالفاظ الكئيبه دى سواد ايه بس.. متقليش كده ..قلت له حاااااضر ..كانت حمله ملهاش لون ..حلو كده ؟؟
وعلشان مقلش انها خواطر سوده قلت اضحك على نفسى وعليكم ..واعمل نفسى شيك فى اكتئابى وحزنى وا قولكم انا مكتئبه من غير سواد يعنى مكتئبه بالالوان ...
طبيعه الحال للى متعود زى حالاتى يعنى ..لما بتطبل بتبقى فى كل ناحيه ..ياترى دا لانها فرصه لكل الالوان الغامقه انها تتحد عليك مره واحده علشان تحسسك ان حياتك سوده يييييييييوه اقصد ملهاش لون ...
ولا انت بتبقى حساس اوى لدرجه ان لو صوت عابر معدى جنبك حتعتبره دوى قنبله وتقول انه قتلك ؟؟
زمان كان ممكن افضى بمشاكلى لبعض الاصدقاء او لاخواتى فى البيت وكانو جزء من صدقاتى ..بمرور الوقت بقيت اسكت اكتر واكتر لحد مابقى السكوت علامه الجمود ..بعض الناس علمتنى ان لحظات الفضفضه نوع من الضعف حتستغل بشكل او اخر ضدك ..يبقى الاجمل انك متضعفش ..هناك استثاء للقاعده لكن فى الغالب احتفظ بهمك لنفسك اضمن لك ..
بس الجميل فى المدونه ان معظم اللى بيزروها هما بالنسبه لى وانا بالنسبه لهم كائن غير مرئى ف ى الحياه ..
ودى يدينى مساحه حريه شويه اتكلم براحتى ...
واقول بصوت عالى وانا بخبط دماغى فى حيطه المدونه ..
انا مخنوووووووووووووووووووقه ..
انا حاسه باكتئاب وحزن مش قادره اتغلب عليه ..
بفكر نفسى انها فتره وحتعدى زى كل مره ..انى مش لوحدى المهمومه ..
ان اكيد حيحصل شىء جديد ..بس الصبر..
بس ساعات كل مرادافات التهوين والطبطبه اللى بيمارسها الواحد مع نفسه او حتى النهر مش بتجيب نتيجه
وبيبقى الحال زى ماهو ..
مشاكلى فى العمل تشبه فى مجملها مشاكلى فى الحياه بره العمل ...ودايما السؤال المصاحب ليا
اللى بردده بينى وبين نفسى كتير
هو انا كده صح ولا غلط واقعد اعيد فى حساباتى من تانى علشان اطلع اخطائى ..
هو انا غلط لو مشيت صح ولا صح لو مشيت صح
الاجابه بسيطه بس تطبيقها فى العمل تحديدا بيبقى مرهق نفسيا جدا
معاناه انك تحوال تعمل الصح فتلاقى اللوم من ناحيه وسوء الاستغلال من الناحيه التانيه
مش فاهمين؟؟؟
معلش ممكن احاول اوضح مره تانيه
بس دا اللى كان جوايا وارتحت شويه لما قلته













هناك 10 تعليقات:

blue-wave يقول...

كلنا بييجى علينا وقت نحس ان حياتنا من غير لون ولا طعم ومش هاقول سودا
ودا لأننا مش بنلاقى اللى يفهمنا
او بنلاقى اللى يفهمنا بس يفهمنا غلط
بتكون فترة وبتعدى
اة بتكون صعبه بس بتعدى
بتحتاج فيها 3 حاجات
اولا: تقرب من ربنا اكتر وتدعيه
ثانيا: تلاقى اقرب حد ممكن يفهمك وتحاول تفضفض معاة حتى لو مش فادك بنتيجه بس اديك ارتحت بالفضفضه
ثالثا: تحدد هدف معين وتحاول تشغل بيه وقتك وعلى قد ما تقدر تشيل الناس من بالك خالص
انا عارف ان النصائح دى فى ظاهرعا كدا نظريه وبس وكلام فاضى لكن لو جربتيها مرة واحدة بس هاتتأكدى انها صحيحه جدا
ربنا معاكى
وبلاش تتدايقى لأنك لو متدايقه او مخنوقه كلنا هانكون متدايقين

من اجل عينيك يقول...

لو ضاقت بيك الاحزان
احنا هنا
هانسمعك ونفهمك وهنعمل اي حاجة ولو كانت تافهه عشان نسعدك

ناعومي انا حزينة عشانك
بس انا بحبك اوي وانت عارفة ده واكيد حاساه

Dr Ahmed Said@Black Armor يقول...

الغريبة ان دى بقت سمة فى المدونين زى ما قال د. عمرو فى مدونته
انت لو فاكرة كان ليه تدوينة قريبة عن مشاكلى فى العمل تقريبا فيها نفس الاحساس .. علشان كده انا حاسس بيكى جدا
صدقينى احيان كتيرة الحياة بتحطنا فى اختبارات صعبة.. وزى ما قالو المحنة اللى مش بتكسرك بتقويك .. وطبعا موضوع الصح والغلط واضح جدا بس اللى بقى واضح ان الاية اتقلبت فى زماننا ده وبدأ الناس يفكروا فى اعذار يستحلوا بيها الحرام
الفترة اللى انت فيها دى محتاجة اصدقائك حواليكى واحنا كلنا موجودين
دمتى بخير وربنا يخرجك من المود دا قريب وخصوصا انن داخلين على رمضان

ريهام زينهم يقول...

طيب يا ستي......

ربنا يكرمك علي الصبح كده....

إكئبيني كمان يا نع نع..


ده احلي اكتئاب اللي ييجي منك...

بيكون اكتئاب بمبي....


يللا بقي فركشي من هنا...

نورانة يقول...

نعمة مش مشكلة الزعل المهم انك تلاقي حد يزعل معاكي أو بالاصح يزعل لك ....ساعتها بتنسي جزء من زعلك ..نعنع قولي اللي في نفسك ولا يهمك ويا رب نفرحلك قريب زي ما بنزعل لك ...ربنا يكرمك يا قمر ....كل سنة وأنتي طيبة....

Ahmed Othman يقول...

سهلة قوي يا ناعومي
حل مشكلتك عندي

عارفة الراجل بتاع البويات
اللي في الشارع اللي ورا
اشتري من عنده
دهان بلاستيك لونه فوشيا فاقع
و لا اقولك
لون مشمشي
و و خدي يوم اجازة من الشغل
أو يوم جمعة كده
و ادهني اوضتك باللون ده
و بنفسك

جربي كده
هتحسي انك عملتي حاجة جديدة
تاني يوم
هتصحي من النوم
تحسي ان فيه حاجة في حياتك اتغيرت


ناعومي
صدقيني
الدنيا مش بتتغير
الا لم احنا نغيرها

غيريه يا ناعومي
غيري لون اوضتك

ناعومى يقول...

الصديق العزيز دكتور عمرو ...
الحمد لله يمكن شهر رمضان المنحه الاهيه اللى بتصفى وتنقى الواد
وت قربه لربنا اوى .. فيحس بالامان وان كل شىء بقدر ولن يصيبه الا ماكتب له ..
الحمد لله على كل حال
مساله نلاقى حد قريب ..فبقيت احس ان الدنيا تلاهى ..
يمكن منعيوبى انى حساسه بشكل مفرط فبخا ف جدا انى ا مثل ح مل لاى حد او اسبب له اى ازعاج .. فبيبق ى صعب شويه ارف ع سماعه تلي فون او ا طلب ا قابل صديقه لانى حاسه بالخنقه ..
دايما بفكر نفسى بان غيرى مشغول ووراه مسئوليات ومش فاضى لى ..
متتصورش يادكتور
بجد كلامكم ووجودكم وصدقكم اثر ف يا اد ايه ربنا يكرمكم جميعا
وكل سنه وانتو دايما طيبين وبخير

ناعومى يقول...

حبيبه قلبى فطوم
كل سنه وانتى دايما طيبه وبخير
ودايما بحبك فى الله
بكل صدق وود
ربنا يخليكى تكفى كلمه صادقه علشان تحسسنى انى مش لوحدى وان فيه اللى يهمه امرى
ودا ساعات بيبقى كافى اوى اوى اوى
ربنا يكرمك يافطوم ربنا يكرمك ومتحرمش منك

كل سنه وانتى طيبه

ناعومى يقول...

دكتور بلاك
الصديق العزيز جدا
ب قيت بتابع اخباركم كلكم وبحس انكم جزء من حياتى
صادق جدا ..
بجد بيخفف عنى ك تير
يكفى ان الواحد بيلاقى اللى بيشاركه همه ويحسه حتى لو كان ميعرفهوش ...
انا ب قيت كويسه صحيح حالات الحزن رايحه جايه ..
حالات الخوف من حجات كتير بتخنقنى ساعات ..الاحساس انك موجوع وانت مش عارف الوجع جاى منين اصلا ..
بس بقت حالات وتروح لحالها الحمد لله
بس مش محتاجه اصد قائى فى الواقع
رغم ان ليا صداقات قويه جدا الحمد لله
بس كل مابنكبر وكل ماحياتهم بتنشغل كل مابحاول الم بعترتى النفسيه مع نفسى
واضحك على اد مااقدر
الحمد لله
كفايه كلامكم الجميل
رغم انى مقلتش ايه المشاكل بس انتو حسيتو بيها ودا كفايه اوى

ربنا يكرمكم جميعا كلكم اخواتى فى الله
كل سنه وانتو طيبين

ناعومى يقول...

الصديقه العزيز ريم
كل سنه وانتى طيبه مقصدتش اكئبك ولا حاجه ياقمر
دى كانت حاله وعدت

وب عدين انتى يعنى مستنيا اكتئابى ما نتى بتكتئبى طبيعى