السبت، 20 سبتمبر 2008

ما لوش لزمه ....


مفيش ف الرحله لون للفرح

او رفقة

مفيش غير جرح

وسابق نزفه كام خطوة

مفيش ف طريقنا باب سحرى

ولا سمسم نقولهاله

فيفتح فينا باب للفرح

مفيش م الاختيار ازمة

ولا لازمه

ماكل الجى من غير حد

ماكل طريق ف رحلتنا

نهايته سد ..

...


هناك 20 تعليقًا:

Ahmed Othman يقول...

اسمحي لي
اسجل رباعيتي هنا ايضا

يا سمسم ليه تملي على باب الحلم مسكر
و اندهلك بتحكمها و تُعقدها و بتعسكر
و ليه دمعتي المالحة بتترجاك تكفكفها
و لما تدوقها بلسانك يروح الملح و تسكر

اسامة يس يقول...

وليه الحزن ديماً آمر
وليه بيقول وبنفذ..
وليه بنقوله انت الصح
ومش عارف
لكن عارف
ان الحزن
روح في القلب...


جميل هذا العزف الحزين ..
دمت بكل ود
خالص تحياتي...

Teawater يقول...

أحساس جميل انا بحب دايماً السيمفونيات الحزينة بس الله يسد بينك وبينها
دومتي لنا

غير معرف يقول...

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

ShimaaMahdy يقول...

مش لازم اللى جاى يكون فى حد المهم اننا نكون مع نفسنا و صدقينى بايدنا احنا نهد السد او نسيبه يكبر لحد مايسجنا فى غرفه احزانا

و عمر الحياه ماكانت فرح دايما ولا حزن

و اهو كله بيفوت بس المهم نخرج نشوف النور بعد ضلمه الحزن عشان مش نفضل محلك سر و القطر يفوت

ربنا يفرح قلبك يارب

اضحكى بقى (:

تحياتى

(:

من اجل عينيك يقول...

ماكل الجاي من غير حد
ماكل طريق في رحلتنا نهايته سد


رائعة رائعة
قرأتها من قبل يا نعومة
واذكر جيدا اني احببتها جدا جدا
ياملكة انت

احبك حتى البكاء يا اجمل صديقة

آيــة يقول...

مشكلتنا بجد اننا بنشوف اوقات الحزن آخر حاجة ...

مش كل الطرق نهايتها سد ..
انا اكتشفت اننا اللي بنحط ايدينا قدام عينينا عشان مش نشوف باقي الطريق ..

عارفة ..
مرة كنت مخنوقة آخر حاجة ...
و شايفة الطرق كلها كلها سد ...
حد سألني ...

هو انتي اول مرة زعلتي كانت امتى ..؟
قلتله مش فاكرة طبعا
قالي طب آخر مرة زعلتي ؟؟
برده مش فاكرة
طب اول فرحة ؟
آخر فرحة ؟

مش فاكرة مش فاكرة ..

كله بيعدي ... و الطريق بيمشي .. مش زي ما بنعوز صحيح ..بس بيمشي ..

انا ايضا أميل للسيمفونيات الحزينة ...

على فكرة مكتوبة حلووووو اووووي بجد

تحياتي :)

kochia يقول...

ليه بس سد
مش كل طريق لا
بعضها سد وبعضها مفتوح
وبعضها محتاج نمد ايدينا ونلف الاوكرة

تحياتي

blue-wave يقول...

دا ايه التفاؤل دا كله:))
يا سلام
جرعة تفاؤل ممتازة:))
حرام عليكى فكيها شويه بقى

Dr Ahmed Said@Black Armor يقول...

ويمكن فيه طريق تانى
اشوف فى نهايته احزانى بتنسانى
ويبقى الخوف مالوش لازمة

ده اول بيت شعر عامى اكتبه بسبب قصيدتك انا كنت فاكر نفسى متشائم بس انتى !!!!
ياريت تخرجى من المود ده النهارده عيد وكل سنة وانت طيبة وبالف خير وعيد سعييييد

ناعومى يقول...

دكتور احمد
دعنى اسجل اعجابى مره اخرى برباعيتك
بحب اقرا لك رباعيات جدا ماشاء الله عليك
متميز جدا فيها

ناعومى يقول...

العزيز جدا جدا جدا
الجميل جدا الاخ الرائع جدا
والكاتب الاكثر من رائع
اسامه يس
متتخيلش فرحتى كان شكلها ايه لما قريت
تعليقك
اخيرا جيت
نورتنى والله
خالص مودتى واحترامى ايها العزيز

ناعومى يقول...

العزيزهteawater
الحزن فيه كم من الصدق عجيب
بيشدنى صحيح منتمناش نعيش الاحساس بتاعه
لكن مش بمزاجنا
ربنا يقلل احزانا ويكتر افراحنا
سعيده بمروك الجميل ياجميله

ناعومى يقول...

الغاليه شيماء
عمر الحياه ماكانت فرح دايم ولا حزن دايم
احنا بنتشكل شويه من دا على دا ممكن الحزن يغلب شويه ويجى فرح يخفف منه علشان الحياه تستمر ونقدر نعيش
انا مقتنعه ان دايما فيه طريق
مش سدولا حاجه
لكن فى لحظات الياس الدنيا بتبقى ضلمه اوى
مبنقدرش نميز اى حاجه فى الضلمه
ربنا يفرحك ويفرحنا ياست الكل
دمت بود

ناعومى يقول...

حبيبه قلبى فطومه
الصديقه الجميله الى بحبها جدا جدا جدا
متحرمش منك ياقمرهولا من رايك اللى بيسعدنى دايما

ناعومى يقول...

ايه مش هنا ..
بس انتى نورتينى هنا وكلامك الجميل انا مقتنعه تماما بيه
واكتر حاجه بقولها لنفسى
كله بيعدى
فعلا مفيش حاجه مش بتعدى
الحزن والفرحو الجرح
كله بيعدى بياخد وقته ويعدى
بس الصبر وشويه امل ينور الطريق

ايه مش هنا
اتمنى دايما تكونى هنا

ناعومى يقول...

كوشيا
الا الاول قولى لى كوشيا يعنى ايه ؟؟؟
منورانى ياقمر
وعايزه بس اوضح ان مش معنى انى كاتبه لحظه ضلمه
انى عايشه فيها طول الوقت
صعب الواحد كان زمانه مات كمدا
انا فعلا متفقه مع كلامك جدا

دمت بود
واتمنى دوام التواجد
تحياتى

ناعومى يقول...

د/بلو ويف
هههههههههههههههههههههههه
حاسه انك كنت بتردوانت على اخرك منى
براحه بس ياعم
انا مش مضلماها طول الوقت
لكن غالبا بكتب فى الضلمه
اصبر عليا البوست الجاى
ححاول اكتب شىء مختلف عن السد والقهر
انتظرنى فى نيو لوك جديد
ههههههههههههه
نورتنى يادكتره

ناعومى يقول...

Dr.A.S. black armor

دكتور احمد
انا كده حتبسط اوى من مالوش لزمه
دى حركت قلمك ناحيه العامى
انا اكتب وانكد عليكموانت تفاعل واكتب حلو كده
ههههههههههههههههههه
بس بالنص بقى
مع انا المستفيده برضه
نورتنى يادكتور وسعيده جدا بكلماتك الجميله
وبعدين صدقنى انا مش مضلماها طول الوقت
دعواتكم بس ربنا ينور لنا طريقنا
احترامى وتقديرى

ســـــــهــــــــــر يقول...

مفيش م الاختيار ازمة

ياااااااااااااااااااا
كان نفسى اقرا شعر يلمس احساسى فجيت و دورت و لقيت اللى بدور عليه

الجمله دى وقفتنى اوى و لاول وهله هنقول ان قمة الازمات الاختيار لكن بعد ما وقفت معاها شويه لقيتها فعلا قمة الاحباط م اللى جاى و ان حتى الاختيار مش ازمه و لا له لزمه


ناعومى

وحشنى اقرا احساسك اللى بيلمسنى و بشوف نفسى فيه