أحمل حقائب الراحلين الى باب الحلم أشيعهم باابتسامات حلوة ألقى عليهم السلام والأمنيات وأعود ..
عند الفجر تتكاثف الأحلام لكنها حين تباغت بالشمس تذوى وتبقى علامات
...
عند الباب الزجاجى الفاصل تندمل جراح العالم تشرق الشمس يفيض النهر عذوبة انسكب حنين على الطرقات وعند الباب الزجاجى المنصهر اتجمع دمعة كبيرة تنطلق اليك ...
تفتكر لما احب اتسند عليك
حعرف الاقيك
وسط الزحمة وصعوبة المواصلات
طب لما اقلق
واحب اطمن
وتليفونك ابو ارقام محفوظة
مقفول
وخط الاحساس اللى مابينا
فاصل شحن
وانت اللى رافعه مؤقتا
يمكن لانك مدوش
يمكن لانك مش لاقى وقت
اى كان
انا بس عايزة اعرف
لو صدمتنى الدنيا لوحدى
على طريق الكورنيش
اللى حلمت امشى انا وانت عليه
حتعرف تلحقنى
لما تكون حاسس فرحتك
وانت زى الطفل الصغير
متعلق بقلب
بتغمض عنيك وتجرى لحضنه
وانت فارد جناحات الحلم
عارف انه حيضمك
ويجبر بخاطرك
ويطبطب على اى كسرة نفس
حسيتها
لما القلب يقولك متخافش
انا معاك
امان بوسع السما بتحسه
وانت ف ضله
تخيل
وانت بتحلم وماشى السكة مطمن
يوقفك القلب فجاءة
وبدون مقدمات
يضربك قلم؟
تفتكر حتفوق ساعتها
ولا محتاج
وجع موت
علشان تفهم
اتذوق الالم وحدى تماما
اتحمله وحدى
هامش الرؤية
لا يتيح لى -من زاويتى-
متابعة البقعة البيضاء
فى سماء غرفتى
ضبابية الماء المنسكب
من عين تشبه عينى
تصنع نهرا بالقرب من القلب
ينزف قلب يشبه قلبى
عتمة
هرولة الانفاس الثكلى
بفعل الالم الحارق
تكسر روحى
ينسكب الزيت على وجعى
يصرخ صوت يشبه صوتى
اتحمل وحدى
ينسكب الوجع على قلبى
والقلب عليل لا يقوى
اتأمل موتى
