الثلاثاء، 28 أغسطس، 2012

رسالة لمن قد يهمه الامر

تفتكر لما احب اتسند عليك
حعرف الاقيك
وسط الزحمة وصعوبة المواصلات
طب لما اقلق
واحب اطمن  
وتليفونك ابو ارقام محفوظة
مقفول
وخط الاحساس اللى مابينا
فاصل شحن
وانت اللى رافعه مؤقتا
يمكن لانك مدوش
يمكن لانك مش لاقى وقت
اى كان
انا بس عايزة اعرف
لو صدمتنى الدنيا لوحدى
على طريق الكورنيش
اللى حلمت امشى انا وانت عليه
حتعرف تلحقنى

ليست هناك تعليقات: